Rules and Regulations

ଆମ୍ଭର ଏହି ଶିକ୍ଷାନୁଷ୍ଠାନ ରେ ବିସ୍କୁଟ୍, ମିକ୍ଚର୍ ପରି ବିଭିନ୍ନ ପ୍ରକାରର ଟିଫିନ୍ ସାମଗ୍ରୀ ଆଣି ପାରିବେ ନାହିଁ କାରଣ ଯଦି ପିଲାଟି ଆଣିଥିବ ତେବେ ତା'ର ମନ ଟି ସବୁବେଳେ ସେହି ଖାଇବା ପାଖରେ ହିଁ ଥିବ ଏବଂ ପାଠ ପଢିବା ସମୟରେ ତା'ର ମନ ସବୁବେଳେ ଅନ୍ୟମନସ୍କ ରହିବ ।

ପିଲାକୁ ଛାଡିବା ପୂର୍ବରୁ କୌଣସି ଅଭିଭାବକ ପିଲାଙ୍କୁ ଟଙ୍କା ଦେବେ ନାହିଁ । ପିଲାଙ୍କର ଜରୁରୀ ଜିନିଷ ( ଯେପରି - ଖାତା, ବହି, ପେନ୍, ପେନସିଲ, କୋଲଗେଟ, ବ୍ରସ, ସାବୁନ୍, ତେଲ, ଖାଇବା ଜିନିଷ, ଟଙ୍କା ଇତ୍ୟାଦି ) ଏବଂ ଦେହ ଅସୁସ୍ଥ ହେଲେ ଔଷଧ ମଧ୍ୟ ଯୋଗାଇ ଦିଆଯାଇଥାଏ ଏବଂ ସେହି ଖର୍ଚ୍ଚ ଗୁଡିକୁ ପିଲାଙ୍କର ମାସିକ ଦେୟ ସହିତ ମିଶାଇ ଦିଆଯାଏ ।

ଶିକ୍ଷାନୁଷ୍ଠାନ ରୁ ପିଲାଙ୍କୁ ବର୍ଷରେ କେବଳ ୧୫ ଥର ହିଁ ଦେଖା କରି ପାରିବେ ( କେବଳ ରବିବାର ଦିନ ସକାଳ ୮.୩୦ ରୁ ୧୧.୦୦ ଟା ମଧ୍ୟରେ କିମ୍ବା ଦିନ ୨.୦୦ ରୁ ୪.୦୦ ଟା ମଧ୍ୟରେ ) ଏବଂ ଶିକ୍ଷାନୁଷ୍ଠାନ ର ଛୁଟିଦିନ ବ୍ୟତୀତ ବର୍ଷରେ କେବଳ ୧୫ ଦିନ ହିଁ ଅତ୍ୟାବଶ୍ୟକ କାମ ପଡିଲେ ଯାଇ ପିଲାଙ୍କୁ ଘରକୁ ନେଇ ପାରିବେ ( କେବଳ ୨ ଦିନ ରୁ ୩ ଦିନ ପାଇଁ ) ଯଦି ପିଲାଙ୍କର ବର୍ଷ ମଧ୍ୟରେ ୧୫ ଥର ଦେଖା କରିବା ଓ ୧୫ ଥର ଘରକୁ ନେବାର ହୋଇଯାଏ ତେବେ ନିହାତି ଜରୁରୀ କାମ ପଡିଲେ ମଧ୍ୟ ପିଲାଙ୍କୁ ଛଡ଼ା ଯିବ ନାହିଁ ।

ପିଲାଙ୍କୁ ଘରକୁ କିମ୍ବା ବଜାରକୁ ନେବା ସମୟରେ ଦରଖାସ୍ତ ଦେବା ପାଇଁ ପଡିବ, ଯଦି ଦରଖାସ୍ତ କୁ ଶିକ୍ଷାନୁଷ୍ଠାନ ଅନୁମୋଦନ କରିବା ପର୍ଯ୍ୟନ୍ତ ଅପେକ୍ଷା କରିବା ପାଇଁ ପଡିବ ଏବଂ ଅନୁମୋଦନ କଲାପରେ ଯାଇ ପିଲାଙ୍କୁ ନେଇ ପାରିବେ ( ଦିଆ ଯାଇଥିବା ସମୟ ମଧ୍ୟରେ ହିଁ ପିଲାଙ୍କୁ ନେବେ ) । ପିଲାଙ୍କର ଅସୁବିଧା ହେଲେ ଆମ୍ଭର ଶିକ୍ଷାନୁଷ୍ଠାନ ତରଫରୁ ଜଣାଇ ଦିଆଯିବ ।

ଶିକ୍ଷାନୁଷ୍ଠାନ ରେ ପିଲାଙ୍କୁ ଆଡମିସନ କରିବା ସମୟରେ କିଛି ପାସପୋର୍ଟ ଫଟୋ ଦେଇଥିବେ, କେବଳ ଫଟୋ ଥିବା ଅଭିଭାବକ ଆସିଲେ ଯାଇ ପିଲାଙ୍କୁ ଦେଖା କରିବା, ବଜାରକୁ ନେବା କିମ୍ବା ଘରକୁ ନେବା ପାଇଁ ଦିଆଯିବ ଅନ୍ୟ କୌଣସି ଲୋକ ଆସିଲେ ପିଲାଙ୍କୁ ଛଡ଼ା ଯିବ ନାହିଁ ।

ଶିକ୍ଷାନୁଷ୍ଠାନରେ କେବଳ ଆମ୍ଭର କୋଚିଂ ସେଣ୍ଟର ପାଖାପାଖି ରେ ଥିବା ସ୍କୁଲ ରେ ନାମ ଲେଖାଇବା ପିଲା ହିଁ ରହିପାରିବେ ଏବଂ ପିଲାମାନେ ସ୍କୁଲକୁ ଯିବା ଓ ଆସିବା ସମୟରେ ଆମ୍ଭର କୋଚିଂ ସେଣ୍ଟରର ଷ୍ଟାଫ୍ ମାନେ ହିଁ ନେବା, ଆଣିବା କାର୍ଯ୍ୟ କରିଥାନ୍ତି।

ପିଲାଙ୍କୁ ଆଡମିସନ କରିବାର ଗୋଟିଏ ମାସ ମଧ୍ୟରେ ପିଲାଙ୍କୁ ଦେଖାକରି ପାରିବେ ନାହିଁ କାରଣ ପିଲାଟି କୋଚିଂ ସେଣ୍ଟର ରେ ନିଜକୁ ସେଟିଂ କରିବା ପାଇଁ ଗୋଟିଏ ମାସ ଲାଗିଯିବ, ଯଦି ପିଲାଟି ସେଟିଂ ହେବା ପୂର୍ବରୁ ଅଭିଭାବକ ଆସନ୍ତି ତେବେ ପିଲାଟିର ମନ ସବୁବେଳେ ଘରକୁ ଯିବା ପାଇଁ ଇଚ୍ଛା ହେବ ଆଉ ସେ ପିଲାଟିକୁ ପାଠ ପଢିବାକୁ ଇଚ୍ଛା ହେବ ନାହିଁ ।

ଶିକ୍ଷାନୁଷ୍ଠାନ ତରଫରୁ ସକାଳ ଖାଦ୍ୟ ଟିଫିନ୍ ୨ ଥର ( ଯେପରି - ବିସ୍କୁଟ୍, ଚୁଡା ସନ୍ତୋଳା, ସିମେଇ, ସୁଜି, ଇଟିଲି ଇତ୍ଯାଦି ) ଏବଂ ସ୍କୁଲ ଛୁଟିଦିନ ୩ ଥର ମିଲ୍ ଓ ସ୍କୁଲ ଦିନ ପିଲା ସ୍କୁଲରେ ଖାଇବେ ତେଣୁ ସ୍କୁଲ ଦିନ ୨ ଥର ମିଲ୍ ଦିଆଯାଏ ।

• ସକାଳ ୬.୦୦ ରୁ ୭.୦୦ ଟା ମଧ୍ୟରେ ସକାଳ ଖାଦ୍ୟ ଟିଫିନ
• ସକାଳ ୯.୦୦ ରୁ ୧୦.୦୦ ଟା ମଧ୍ୟରେ ମିଲ୍
• ସ୍କୁଲ ଛୁଟିଦିନ ୧.୩୦ ରୁ ୨.୩୦ ଟା ମଧ୍ୟରେ ମିଲ୍
• ସନ୍ଧ୍ୟା ୫.୦୦ ରୁ ୬.୦୦ ଟା ମଧ୍ୟରେ ସନ୍ଧ୍ୟା ଟିଫିନ୍
• ରାତ୍ରି ୯.୦୦ ରୁ ୧୦.୦୦ ମଧ୍ୟରେ ମିଲ୍

ପିଲାଙ୍କୁ ଶିକ୍ଷାନୁଷ୍ଠାନକୁ ଆସିବା ସମୟରେ ଗୋଟିଏ ଲେଖାଏଁ ଥାଳି, ତାଟିଆ, ଗ୍ଲାସ, କେବଳ ୨ ହଳ ସ୍କୁଲ ଡ୍ରେସ୍ ଏବଂ ଅନ୍ୟାନ୍ୟ ୨ ଟି ସାର୍ଟ ଓ ୨ ଟି ପ୍ୟାଣ୍ଟ ହିଁ ଦେବେ ( ଜିନ୍ସ ପ୍ୟାଣ୍ଟ କିମ୍ବା ସାର୍ଟ ଦେବେ ନାହିଁ ), ଗୋଟିଏ ମଶାରୀ, ଗୋଟିଏ ସପ, ବ୍ରସ, କୋଲଗେଟ, ତେଲ, ସାବୁନ୍, ଖାତା, ବହି ଇତ୍ୟାଦି ଓ ଏଗୁଡ଼ିକ ରଖିବା ପାଇଁ ଗୋଟିଏ ଛୋଟ ବାକ୍ସ ଟିଏ ଦେବେ ଏବଂ ସ୍କୁଲ ପାଇଁ ଗୋଟିଏ ବ୍ୟାଗ୍ ମଧ୍ଯ ଦେବେ ।

ଶିକ୍ଷାନୁଷ୍ଠାନ ରେ ସକାଳେ ୩ ଘଣ୍ଟା ଓ ରାତ୍ରି ୩ ଘଣ୍ଟା ପାଠ ପଢା ଯାଏ ଏବଂ ଅନ୍ୟ ସମୟରେ ପିଲାମାନେ ସ୍କୁଲ ପାଠ କରିବା ସହିତ ନିଜେ ପଢନ୍ତି ।
ପ୍ରତ୍ୟେକ ମାସର ଶେଷ ରବିବାର ଦିନ ପିଲାମାନଙ୍କର ପରୀକ୍ଷା ହୋଇଥାଏ ।

ଶିକ୍ଷାନୁଷ୍ଠାନର ଆଡମିସନ ଫି = ୫୦୦ /- ଟଙ୍କା ,
ମାସିକ ଦେୟ ତୃତୀୟ ରୁ ପଞ୍ଚମ = ୨୫୦୦ /-ଟଙ୍କା,
୬ଷ୍ଠ ରୁ ଅଷ୍ଟମ = ୨୭୦୦ /- ଟଙ୍କା,
ନବମ ଓ ଦଶମ = ୨୯୦୦ /-ଟଙ୍କା,
ବେଡ୍ ପାଇଁ = ୯୦୦ /- ଟଙ୍କା ( ପିଲାଟି ଶିକ୍ଷାନୁଷ୍ଠାନ ଛାଡିବା ସମୟରେ ବେଡ୍ ଟଙ୍କା ଫେରସ୍ତ କରି ଦିଆ ଯିବ )।

ପିଲାର ଆଡମିସନ ସମୟରେ ଆଡମିସନ ଟଙ୍କା, ବେଡ୍ ପାଇଁ ଟଙ୍କା ଏବଂ ଗୋଟିଏ ମାସର ମାସିକ ଟଙ୍କା ଆଡମିସନ ସମୟରେ ହିଁ ଆଡଭାନ୍ସ (ADVANCE) ଦେବାକୁ ହୋଇଥାଏ ଏବଂ ପ୍ରତ୍ୟେକ ମାସରେ ମାସର ଆରମ୍ଭରେ ଶିକ୍ଷାନୁଷ୍ଠାନ ତରଫରୁ ଜଣାଇ ଦିଆଯିବ କିନ୍ତୁ ସେହି ମାସିକ ଟଙ୍କା ସେହି ମାସର ୧୦ ତାରିଖ ମଧ୍ୟରେ ହିଁ ପୈଠ କରିବାକୁ ପଡିବ ଏବଂ ଯେଉଁ ପିଲାର ଦୁଇ ମାସରୁ ଅଧିକ ବାକି ରହିଲେ ପିଲାଙ୍କୁ ନେଇ ଯିବା ପାଇଁ ଶିକ୍ଷାନୁଷ୍ଠାନ ତରଫରୁ ଜଣାଇ ଦିଆଯିବ ।